تدري اني بالفعل حبيتك وتدري اني ما اقوى على .... فـ ـ ـرقـ ـ ـاكـ ......
حاولت أكون منك قريب وحاولت ارجع الماضي .... الـ ـلـ ـ ـي كـ ـ ـان .....
تذكر ذيك الايام الحلوه يوم كنا نعانق حبنا بكلام كله أحاسيس .... وتذكر كل يوم والثاني نحاول نجدد البسمة في قلوبنا ونشرب كاس من الحب من جديد .... تدري كم له ذاك الحب لو تدري يالحبيب ؟؟؟ تراها فترة طويله وكنا على اتصال بكل طريقه لجل نحافظ عليه { الحب } .... بعد ذيك المدة تبي تنهي كل اللي كان ... وبكل سهوله ! ! !
يــ ــ ــا حــ ــ ــســ ــ ــافــ ــ ــهـ .... عليك !!!
يقولون قلب البنت لا حب صعب عليه النسيان .... يا من قال هالكلام تراك بالغت في كلامك !!! .... توقعت انا مثل هالكلام وتوقعت يمكن يصير أكثر .... مالقيت الا النسيان ومالقيت الا هجر ودوم في ازدياد .... احاول كل يوم والثاني أكون منك قريب ... والله وصدقت او ماصدقت تراني ما قدرت انسى حبك وبعض الليالي أخاف مني قلبي يضيع !!! .... تراني أدمنت على التفكير فيك ولا تقول مجرد هاوي وبينسى ويسير ... تراني لا حبيت أحب بكل احاسيسي .... وهذي مشكلتي !!!
خذ راحتك يالغالي .... تــ ــ ــغــ ــ ــاــ ــ ــى .......
تغلى في حبك وعذبني مثل ما تريد .... ترى القلب يتحمل كل زلاتك .... تغلى يابعد عمري وسو ما بدالك ترى قلبي عنك ما يقدر يتخلى واذا انت تقدر بقولك مثل ماتقولي دائماَ .... بـ ـ ـراحـ ـ ـتـ ـ ـكـ ....
تـ ـ ـريـ ـ ـد .... الـ ـ ـهـ ـ ـجـ ـ ـر ؟؟؟ ... اهجر اذا تقوى ...
اهجر وعاند وسو مابدالك .... تراني موجود وعلى الذكرى باقي .... لكني أخاف هالبعد يخليني أطيع { النسيان } .... لكن ذكرياتي انا وياك ما بنساها بظل أهواك وبجعل امامي أمل للقياك .... اهجر اذا هذا الهجر مني يريحك ... انظر للأمام يمكن تلقالك غيري حبيب .... وبعدها حاول تنساني واعطي كل حبك لحبيبك الثاني ....
هذي هي ..... الـ ـ ـدنـ ـيـ ــا ! !
هذا حال الدنيا نعشق ونحب نعيش بدنيا ثانيه واحنا بداخل دنيانا .... نذوب نموت ونحيا بحبنا الصادق يخلينا نجدد مشاعر كل مانسيناها نرجع نعيد ونستانس بذكراها .... نزعل ونرضى نهدي احاسيس وذكرى نعيد كل يوم النظرة في حبنا ونبتسم في اليوم الف مرة .... نبعد قلوبنا عن الشك ونعاني ونزعل أكثر و للرضى نعود ونرضى أكثر وأكثر .... نحاول ننسى نقول راح ننسى نكذب على أنفسنا نعتقد اننا راح ننسى .... نرجع ونعيد النظر من ثاني نقول نسينا ونلقى أنفسنا اننا مانسينا للنسيان أبد حنا مانقوى .... ونعيد نرجع للقاء من ثاني نحاول نعيد ماضيعه الزمن منا .... نحاول نقترب من ثاني نلقى بيننا جبل كبرياء ومعاني نحاول نهده نلقى بيني وبينك كل واحد فينا له جبل ونحاول لبعضنا نوصل من ثاني .... وللأسف جات منك الكلمه اللي خلتنا أكثر نعاني .... تريد تنهي كل مابيننا وانا وانت حبنا كل يوم يكبر هذا حالي معاك ما أقدر على النسيان وانت تريد .... تـ ـ ـنـ ـ ـسـ ـ ـى .....
{ بقلمي ... }
اعتبروه قصيد ولا خاطره انا مدري لكنه مجرد كلام في القلب وانكتب في موضوع للذكرى ^^
دمتم بكل الـــود ,,,,,