يا بنت أرجوك أنا مأقدر كفانـي ماضـي الغلطـات..

أخــاف الله يعذبـنـي وأنــا خــواف يابنـيـه..

وأخاف بساعة اللذه يجينـا هــادم الـلـذات..

ويأخذ مـن حشـى جوفـي بقايـا روحـي الحيـه..

أنا ليّه ثمان سنيـن وأنـا مدمـن علـى الشهـوات..

ديـار الفسـق حاستهـا مواطـي تحـت رجلـيـه..

عيوني مـن كبـر همـي تخلـط الـدم والعبـرات..

مِسيـل الدمـع مـن عينـي حفـر بالخـد ماريـه..

صحيح إنك جميله بـس تبنـا مـن هـوى الزينـات..

تركنـا الحـب غصـب وطـوع للعيـن الشقاويـه..

يا بنت أنتي على بالـك أبأخـذ مـن بنـات الشـات؟..

أجـل مجنـون أنـا يا بنـت أشيـل العقـل بيديّـه؟..

ترى أكبر شيء يربطني مِعك جـوال أبو شاشـات..

وهاتـف ينقـل أشواقـي علـى نبـرات سلكـيـه..

وترى كل العلـوم اللـي عطيتـك بالهـوى كذبـات..

وحتـى دمعتـي يـوم الفـراق الصعـب كذبـيـه..

هـذاك اليـوم ما هلـت عيونـي لجلـك الدمعـات..

لأن الدمـع ما ينـثـر بقـصـة حــب وهمـيـه..

أنا أضحك مِعك واضحك منك ..عليك أكثّر الضحكات..

كأنـي بالـهـوى جـنـي.. يعـبـي راس جنـيـه..

وأنا مانـي بخكـري يلبـس القمصـان.. والشرتـات..

ويفـرح قلبـه المسكـيـن إذا حــب الدوينّـيـه..

أنـا مـن لابـةٍ أروت ضمايـا سيوفهـا الغـزوات..

خلايا جسمـنـا عـاشـت عـلــى دم القبيـلـيـه..

ودهنتي شعـرك الأسود بألـوانٍ مـن الصبغـات..

وعيـت تقبـل الصبـغـه ملامـحـك الخليجـيـه..

وحشرتـي ردفـك المسكيـن بالبنطـال ..والجنـزات..

خلاقـيـنٍ تصنّعـهـا مـزاجــات اليهودية..

عشاني ميـتٍ فـي ثغـرك الأحمـر أبـو لمعـات..

تحسبينـي أبرضـخ لـك لأن إشـفـاك ورديــه ؟..

ورب الكون مأرضى فيك لو إنك شيخه الحلـوات..

وإذا صمـل علـيّ العلـم أكـب ارض السعودية..

يا بنت الناس عـزك فـي سـوادٍ يستـر العـورات..

وعزي في شماغ أحمـر.. وثـوب أبيـض.. وطاقيـه.

قصيده رائعه ابيك تفهمني

الله يسلمك يالغالي

بالتوفيق ان شاء الله ,,,,

شاكر مرورك واحد من الناس
اناضر صنف حواء
ماردو

ناظرتك العافيه ان شاء الله يالدب .... قل امين

ليه انا ماني مالي عينك

طيب اليوم في الليل نتفاهم ! ! !

لجل عينك
لجل عينك انا كلي لجـل عينـــك.... وانـــا لبيــــه اذا انـت تنادينـــي
اجيك بشوق قلبي واغمر سنينك.. .انسيك الشقــى وانــت تنسينـــي
مشــاعر منسجه ماببيني وبيــنك....يمررها خفوقـــي في شراينـــي
تزين دنيتي يــــازين من زيـــنك... وهبك الله الحسن ياكامل الزيني
قهرة الـــورد يـــاوردة بساتينك.... ونافسة القمــر يابهجــــة سنيني
نجوم الليل تسأل ياقــــمر ويــنك.. وتاخذ من ضياء وجهك عناويني
احبـــك وانت يامكـــثر محبينــك.. حبيب الروح باحساسك تنايجنـي
يحسدوني انا المجبور في عيـنك... وعينك تستمد الحب من عيـنــي
بعد هاذا تقول ماني مالي عينك