ق ــالت أح طـب .. قلت والـ غ ـابه متى كانت قريبه !!

واحد من الناس · 11-30-2008, 02:34 AM

قالت احطب.. قلت والغابه متى كانت قريبه ؟ !

قالت احطب.. قلت وين الفاس لو حصلت غابه؟؟

قالت احطب.. قلت ياقصر الايدين المستريبه ..

قالت احطب.. قلت ياقل البصيره لارتكابه . .

قالت البرد التوى في الضلع. . ترضى يلتوي به؟!

قلت لا. . قالت ..وتتركني كذا. ! ! ياللغرابه

قلت ملعون الغبا وانتي نجيبه من نجيبه . .

ولاا انا وقتي مبهذلني .. وضيعت النجابه

لا تلومين النبيه ان حاصره همه وغيبه

ماتطوفه قبل . .لكن. . ! ! طافته من حر مابه

والله اني كنت قبل الشخص ينطق لي خطيبه

اتهجى فكرته واقراه قبل لااسمع خطابه

من عيونه كنت اميز مقصده قبل يحكي به

وقبل تمرير السؤال. . امرر اطراف الاجابه

كنت افضفض للكئيب. . ويمتلي في الضحك جيبه

صرت مافضفض لعمري وامتلي جيبي كآآآبه

قالت احطب.. قلت ويش احطب دخيل الله مصيبه

لاتزيدين الجروح... ولاتزيدين الرتابه

قالت الجرح يتمادى.. عيب.. ! ! في حضرة طبيبه

قلت ماباقي وريد ودم من نزف واصابه

قالت احطب من شعورك ..والقصيد الحين جيبه

ودي اسمع صورتك.. واقراك صوت من الصبابه

ديرها مغنى وخل الصمت مخنوق في نحيبه

واعتبر قلبي طبل. . ولا اعتبر سمعي ربابه

هات شعر وبلل اللحظه من البحر وغريبه

لاتكرر في عيوني ملت العين التشابه

مما أعجبني من القصيد

للشاعر/ مرزوق العتيبي