تذكر يوم اقولك جسد يحتوي روحين
واوعدك ما أخليك وتوعد ما تخليني ؟

أذكر يومها أشوف بالدنيا بس أثنـين ..
قلبي اللي يحبك وقلبك اللي يحويني ..

بعدها بأيام شفت ايدك تحتضن ايدين
وانصدمت يوم شفت انها غير ايديني

سكت لجل خاطرك وقلت مرحبا بالزين
مرحبا باللي القلب لجلـه حيل كاويني

مر يوم واسبوع وشهر وبعدها شهرين
وهو لازال مايدري بأني شفته بعيني

وأخاف اني أقوله له خاين وينجرح بعدين
واخاف أسكت وبسكوتي صمتي حيل يشقيني

واجهته وانا ابكي والعين تحتضن العين
سألته : ليه تنسـاني ؟ ولا ماكنت تغليني ؟؟

سكت ولفّ عني وخبى وجهه بالإيدين ..
اللي كانت تحضني وغيرها ما تدفيني ..

سحبت وجهه ومسحت الدمع على الخدين
وقلت له والله أحبك ولو انك تخليني ..!

سكت فتره وقال لي : لازلتي تحبين ؟؟
بعد اللي تشوفينه لا زلتي تحبيني ؟؟

ابتسمت وقلت أجلك ماعرفت للحين
اني أحبك حيل واللي يرضيك يرضيني ..

سكت فتره وانا أعاود فرحة بقت لسنين
وتركته وتركت حبه اللي بقى فيني

وصارت الدمعـة اذا هلّت أقول أهلين
والبسمة هجرتني ونست دربها فيني ..

بعدها بأيام سمعت خبر والله شين..
سمعت انه مات وهو يطلب يلاقيني

ويوم اني رحت.. وصيته لي بورقتين
الأولى بها أسمي كتب بدمه يغليني ..

والثانيه يقول فيها: أبي اوضحلك شيين
الأول أحبك حيل وماسكن غيرك شراييني

والثاني أمانه لا جيتي لأهلي تعزيّن
لا تنزل دموعك لي طلبتك لاتَبْكِينِي

كل اللي أبيه انك بالخير لي تدعين
وانك بالشهر مره بقبري تزوريني ..

واللي أبيك تعرفيه ومهم انك تعرفين
اللي شفتيها معي كانت بموتي تبشّرني

انا اللي خليتك من كيفي عني تبعدين ..
لجل ما ينجرح قلبك بلحظة موت تحويني ..

تكفين لا تظنين اني خنتك يا الغلا تكفين
واذا لازلتي تحبيني دايم بالخير أذكريني ..

سكت وقلت : ياليتني ظليت معك يازين
وشفت الموت ياخذك مني ولاكذا تخليني ..

تظنون اني نسيت أو الدمع جف بالعين؟
لا والله الين اليوم وهو معي يخاويني

لو تدور الدنيـا ولو تمر بعدها سنين
ما نسيته لو أشوف أحفادي حواليني

قطعت قلبي علي الكلام
الله يديم الموده ويزيح كل الحواجز
والسدود
يكفي عتاب لو تبي رائي
انت تقول مابيه ولك يومين مارقدة وهو بعد وجالس يراسلك
ترا الخطاء وارد وماحد بهالكون مايخطي
تراء الكبير فوق لازم واحد من الطرفين يرد
والافضل كل واحد يراجع حسابته
وانصح بالعفو والمغفره ومسح كل الي مضي ماحد دايم علي حال

الروح تـ ح ـيا يوم أسمع بطاريك
ودنياي بوجــودك صدقني هنيه

مثل المطر تحيي الشـ ع ـوب المهاليك
تروي القـلوب الظاميات الـ ش ـقيه

الرب يعلم بالـ غ ــــــلا كثر مغليك
والروح ترخص لجل عينك هـدية

لا هنت يالغالي على كلامك والقصيد

الله يسعدك ويوفقك ويرزقك باللي في بالك ^^


دمت بكل الـــود ,,,,,

قصيده محزنه .><


صعب فراق الاحبه خاصه لو كان اللي فرقهم الموت


تسلم واحد ع القصيدهـ المؤثره~

تسلم لي ويسلم غاليك يالغالي

شاكر لك مرورك الرائع والمفاجئ ياصاحب المفاجآت ^ـ^


بالتوفيق ,,,,